Ахсынньы ый ортолоон, Саҥа дьыл чугаһаатар чугаһаан иһэр. Саҥа дьылы эдэриттэн эмэнигэр диэри бары сөбүлүүбүт, биир саамай күүтүүлээх-кэтэһиилээх бырааһынньыкпыт буолар. Усуйаана нэһилиэгэр Саҥа дьылы көрсө харыйа уота үөрүүлээх быһыыга-майгыга күлүмүрдүү умайда.
Усуйаана улууһун Усуйаана нэһилиэгэр «Кыһын Саха сириттэн саҕаланар» фестиваль чэрчитинэн, кэлэн иһэр саҥа дьылы уруйдаан-айхаллаан, эҕэрдэлээн Усуйаанабыт нэһилиэгэр араас өҥнөөх харыйабыт уота күлүмүрдуу оонньоото!
Тымныы оҕонньор сиэн кыыһынаан Хаарчааналыын эҕэрдэ тыл этэн, күндү ыалдьыт буоллулар, оҕолорго минньигэс бэлэх туттардылар, бука бары улахан дьоннуун, оҕолуун илии тутуһан хороводтаан дуораттылар! Дьон-сэргэ бүтүн дьиэ кэргэнинэн кэлэн Саҥа дьылы чугаһатар сэргэх тэрээһини көрөн, сүргэлэрэ көтөҕүллэн, үөрэн-көтөн тарҕастылар.
Кэлэр сыл хас биирдии ыалга үтүөнү эрэ түстээтин, дьол тосхойдун!
Матрена Попова