Бу күннэргэ биһиэхэ, Дьүкээгиргэ, «Күнчээн» оскуола иннинээҕи оҕолор бөлөхтөрүн төрөппүттэригэр аһаҕас аан нэдиэлэтэ ыытылынна. Тэрээһин Россияҕа Норуоттар сомоҕолоһууларын, Саха сиригэр — Культура, Үөрэхтээһин министерствотыгар — оскуолаҕа киириэн иннинээҕи тэрилтэ сылларын чэрчитинэн уонна олунньу 13 к. – Төрөөбүт тыл, сурук-бичик күнүгэр ананна.
Манна ийэлэр кэлэн иитээччилэрдиин тэҥҥэ үлэлэстилэр. Төрүт культураны ырытар сэргэх бэсиэдэлэр буоллулар. Оҕолорбутугар саха остуоруйатын кэпсээн, уруһуйдаан, араас остуол оонньуутун, хамсаныылаах төрүт оонньуулары оонньотон, хомус тыаһатан, дьирибинэтэн олус сэргэх күннэр аастылар. Кырачааттар интэриэһинэй дьарыктарга кыттан саҥаны кэрэхсээтилэр, сэргээтилэр.
Бу тэрээһиннэргэ көхтөөхтүк кыттыбыт төрөппүттэрбитигэр истиҥ махталбытын тиэрдэбит.
М. Горохова, иитээччи