Сылын ахсын муус устар 18 күнүгэр бэлиэтэнэр Аан дойдутааҕы историческай миэстэлэр, пааматынньыктар күннэригэр Туматтааҕы «Түмсүү» культура дьиэтин көҕүлээһининэн Тумат орто оскуолатын иһинэн тэриллибит «Движение Первых» улахан кылаас оҕолорун күүһүнэн Тумат нэһилиэгэр сэрии, тыыл уонна сэрии сылын оҕолоругар аналлаах пааматынньыкка уонна сквердэргэ субуотунньук ыытылынна.
Оҕолор үөрэхтэрин кэнниттэн бары этиллибит бириэмэҕэ кэлэн пааматынньык хаарын ыраастааһыҥҥа күргүөмүнэн кыттыыны ыллылар.
Онтон салгыы биир дойдулаахпыт, Филипповтар династияларын салҕааччы, «Удьуор» таба ыстаадатын биригэдьиирэ Сергей Кимович Филиппов «Үлэ, чиэс, албан аат» табаһыттарга анаабыт скверигэр хаар ыраастааһыныгар үлэлээтилэр.
Бу кэннэ оҕолорбут Тумат нэһилиэгин саамай аан, ыалдьыттары көрсөр-атаарар скверигэр үөрэ-көтө, сылайары билбэккэ үлэлээтилэр, хаартыскаҕа түстүлэр.
«Движение Первых» түмсүү кыттыылаахтара: Протодьяконов Георгий, 7 кыл., Ефимов Криштиан, 8 кыл., Горохов Ян, 8 кыл., Болтунов Эдвард, 8 кыл., Томская Тускулана, 9 кыл., Рожин Руслан, 9 кыл., Горохова Зарина, 10 кыл., Слепцова Ангела, 10 кыл., Колемова Уйгуна, 10 кыл., Горохов Богдан, 10 кыл., Сыроватский Дамир, 11 кыл., салайааччы Ольга Ильинична Горохова.
Субуотунньукка көхтөөх кыттыыны ылбыт оҕолорго Семен Дьяконов аатынан «Түмсүү» культура дьиэтин аатыттан улахан махталбытын тиэрдэбит. Баҕарабыт кинилэргэ ыраас халлааны, туйгун доруобуйаны, чөл олоҕу. Үөрэххитин бүтэрэн сөбүлүүр идэҕитин талан төрөөбүт дойдугутугар туһалаах дьон буолуҥ диэн алгыыбыт.
Андриян Горохов