Балаҕан ыйын 13 күнүгэр олохтоох культура дьиэтигэр «Күһүҥҥү киһи күлбүтүнэн» көмүс күһүнү көрсө өрө күүрүүлээхтик бэрт тэрээһин ааста. Тэрээһин нэһилиэк дьаhaлтатын баһылыга Лена Николаевна Рожина эҕэрдэтинэн саҕаланна уонна биир дойдулаахпыт, Уйаандьыттан ыалдьыттыы кэлбит Петр Петрович Горохов эриэккэс эҕэрдэ ырыатын бар дьонугар бэлэх уунна.
Түөлбэлэр фотозона оҥоруутугар, оҕуруот сир аһын арааһыттан быыстапка-дьаарбаҥкаҕа, көрдөөх эстафетаҕа хамаанда туруоран көдьүүстээхтик кытыннылар.
Тэрээһиҥҥэ кэлбит олохтоохтор оҕуруот, сир аһын, бурдук ас арааһын атыылаһан дьиэлэригэр үөрэ-көтө тарҕастылар.
Уопсай түмүгүнэн 1 миэстэни – туох да мөккүөрэ суох «Кэскил» түөлбэ ылла, 2 миэстэни чуут кыраннан хаалбыт «Сарыал» түөлбэ ылла, онтон бочуоттаах 3 миэстэни «Эрэл» түөлбэ ылла. Онтон салҕыы биирдиилээн дьоҥҥо ыытыллыбыт күрэхтэргэ кыайыылаахтар ааттаннылар уонна туоһу суругу кытта сэмэй бэлэх тутан үөрүүлэрэ үксээтэ.
Васианна Иванова