Олунньу 17 күнүгэр Хайыр орто оскуолатыгар төрөөбүт тыл уонна сурук-бичик күнүн чэрчитинэн уонна Арассыыйаҕа Аҕа дойдуну, Сахабыт сиригэр Ийэ дойдуну көмүскээччилэр сылларыгар уонна Улуу Кыайыы 80 сылыгар аналлаах «Кыайыыны уруйдаабыт хоһооннор» диэн хоһоон ааҕыытыгар күрэх буолан ааста.
Күрэҕи тэрийэн ыытта саха тылын уонна литературатын учуутала Эльза Болтунова. Хоһоон ааҕыытыгар кыттыыны ыллылар детсад иитиллээччилэрэ уонна 1-11 кылаас үөрэнээччилэрэ, уопсайа 21 оскуола оҕото, уонна 6 детсад оҕото кыттыыны ылла.
Дьүүллүүр сүбэ састаабыгар Хайыр орто оскуолатыгар алын сүһүөх учууталынан өр кэмҥэ үлэлээбит, билигин бочуоттаах сынньалаҥҥа олорор Августина Болтунова, нуучча тылын учуутала Светлана Насыева, нэһилиэк библиотекатын үлэһитэ Светлана Болтунова киирдилэр.
Күрэххэ 1-3 миэстэ уонна араас номинация, ону таһынан «Кылаан чыпчаал» кыайыылааҕа диэн сүрүн номинация баара. Олорго детсад оҕолоро номинацияларга тигистилэр, онтон 3 миэстэ — 5 кылаас үөрэнээччитэ Кэрэчээнэ Протодьяконова, 2 миэстэ — 1 кылаас үөрэнээччитэ Ирена Барабанская, 1 миэстэ — 3 кылаас үөрэнээччитэ Адриан Куличкин буоллулар. «Кылаан чыпчаала» диэн сүрүн номинацияны 5 кылаас үөрэнээччитэ Жан Никулин ылла. Күрэх түмүгүнэн бары кыттааччылар туоһу сурук, кыайыылаахтар добун сурук уонна сэмэй бэлэх туттулар.
Надежда Петрова