Быйылгы Россияҕа Педагог уонна Уһуйааччы, Саха Өрөспүүбүлүкэтигэр Үлэ сылларын чэрчитинэн сэтинньи 4 күнүгэр Туматтааҕы “Тугутчаан” уһуйаан төрүттэммитэ 65 сылын үөрүүлээх быһыыга-майгыга бэлиэтээтэ. Үйэ аҥаарыттан ордук кэм иһигэр, тэрилтэ үгүс ситиһиилэрдээх элбэх ыччаты иитэн таһаарда.
1958 сыллаахха оскуолаҕа киириэн иннинээҕи саастаах оҕолору иитии-үөрэтии уһуйаана арыллыбыта. Бу сыл ыам ыйын бүтүүтэ дошкольнай үөрэҕи бүтэрэн Анна Томская салайааччынан ананан үлэлээбитэ.
1961 с. Быстах кэмҥэ Александра Томская уһуйаан салайааччтынан үлэлээбитэ, кини кыыһа Нина Горохова оскуоланы бүтэрэн кэлбитин уһуйаан сэбиэдиссэйинэн анаабыттара.
1963 с. Ульяна Санникова сэбиэдиссэйинэн ананан өр кэмҥэ уһуйаан сайдыытыгар үрдүк кылаатын киллэрэн ситиһиилээхтик үлэлэлээбитэ.
1990-2007 сыллаахха диэри бэйэтин истиҥ эйэҕэс сыһыанынан, үтүө сүбэһитинэн сэмэй кылаатын киллэрэн үлэлээбитэ Саха Өрөспүүбүлүкэтин үөрэҕэриитин туйгуна Валентина Протодьяконова.
2007 сыллаахтан Саха Өрөспүүбүлүкэтин үөрэҕэриитин туйгуна, педагог-новатор, “СӨ оскуола иннинээҕи үөрэхтээһин сайдыытыгар кылаатын иһин”, “СӨ социальнай- экономическай сайдыы уобалаһыгар өҥөтүн иһин” түөскэ кэтиллэр Бэлиэлэр, РФ үөрэх эйгэтин бочуоттаах үлэһитэ,үлэ бэтэрээнэ Екатерина Протодьяконова бу күҥҥэ диэри айымньылаахтык үлэлии-хамсыы сылдьар.
Екатерина Протодьяконова салайааччылаах «Тугутчаан» уһуйааныгар 35 иитиллээччи, 5 иитээччи, 11 техперсонал, 1 медицинэ үлэлииллэр.
Өр сылларга бэрэниилээхтик үлэлээбит уонна үлэлии сылдьар бэтэрээн үлэһиттэрэ:
- Екатерина Протодьяконова
- Дария Санникова
- Мария Горохова
- Яна Константинова
- Александра Слепцова
- Валентина Томская
- Раиса Реброва
- Валентина Протодьяконова
Уһуйаан үбүлүөйүнэй тэрээһиннэрэ үрдүк таһымнаахтык буолан аастылар. Ол кэмнээҕи историяны сырдатар выпускниктар, үлэһиттэр хаартыскалара, ааспыты санатар оонньуур түмэлэ кэккэлэһэн турдулар.
Бырааһынньыктааҕы дьоро бэлиэ күнү иилээн-саҕалаан ыытта «Түмсүү» култуура дьиэтин уус-уран салайааччыта Мичил Томскай. Олохтоох дьаһалта баһылыга Василий Лебедев, улуус үөрэҕириитин салалтатын аатыттан Дмитрий Горохов уонна улуус баһылыга Валерий Сидорин аатыттан, үлэлэригэр ситиһиилээх, өр кэмҥэ үлэлээбит, үлэлии сылдьар үлэһиттэргэ Бочуотунай грамоталары, Махтал суруктары, анал Бэлиэлэри туттардылар. Маны даҕатан эттэххэ иитээччилэргэ Дария Санниковаҕа уонна Евдокия Санниковаҕа «Усуйаана улууһун социальнай — экономическай сайдыы уобалаһыгар өҥөлөрүн иһин”; Евдокия Санниковаҕа СӨ үөрэҕириитин уонна наукатын министерствота махталын көрдөрөр сурук “Үөрэх ситимин сайдыытыгар кылаатын үтүө суобастаах үлэтин иһин”; Юлия Гороховаҕа СӨ үөрэҕириитин уонна наукатын министерствотын аатыттан “Оскуола иннинээҕи үөрэхтээһин сайдыытыгар кылаатын иһин” анал түөскэ кэтиллэр Бэлиэлэр туттарылыннылар. Ыҥырыылаах ыалдьыттар саас сааһынан истиҥ эҕэрдэ тылларын, ахтыыларын, бэлэхтэрин ууннулар.
Мичил Томскай