Ытыктабыллаах Усуйаана улууһун олохтоохторо!
«Таатта» хаһыат төрүттэммитэ 85 сылынан «Таатта улууһа» муниципальнай оройуон дьаһалтата, «Сахабэчээт» судаарыстыбаннай тэрилтэ дьаһалтата уонна «Таатта» хаһыат редакцията өрөспүүбүлүкэ айар дьоҕурдаах суруналыыстарыгар, хаһыат общественнай корреспонденнарыгар, айар тыл абылаҥыгар холонуон баҕалаахтарга «Оҥоһуллан эрэр олоҥхо: Таатта уонна мин улууһум» диэн темалаах ыстатыйаларга айар күрэхтэһии биллэрэр.
Күрэхтэһии бэс ыйын 1 күнүгэр түмүктэнэр.
Күрэхтэһээччилэр ыстатыйалара публицистическай эссе, портретнай очерк жанрдарынан суруллубута,чинчийэр хабааннаах буолара биһирэнэр.
Эһиги улуускут Таатта улууһун историятыгар ханнык баҕарар өрүтүнэн алтыһыытын, улуускутугар дьоһуннук айа-тута үлэлии сылдьар Тааттаттан сыдьааннаах биир дойдулаахтаргыт туһунан, Таатта туһунан саныыр санааҕытын сааһылаан суруйуоххутун сөп.
Күрэхтэһиигэ кыттар матырыйаалгыт улуускут хаһыатыгар эбэтэр сайтыгар бэчээттэнэрэ ирдэнэр.
Күрэхтэһиигэ кыттар матырыйаалгытын хаһан, ханна бэчээттэммитин ыйан туран, rgtaatta@mail.ru электроннай аадырыска » для республиканского конкурса» диэн быһаарыылаах ыытаргытын ыам ыйын 25 күнүгэр диэри күүтэбит.
Кыайыылаахтар бэс ыйын саҥатыгар Тааттаҕа үһүс төгүлүн ыытыллар » Иис.Уус.Ас.» өрөспүүбүлүкэтээҕи фестивальга кыттыыны ылыахтара, сыаналаах бириистэринэн наҕараадаланыахтара.
Күрэхтэһии сүнньүнэн билсэр төлөпүөн нүөмэрэ 89142354568.
Тэрийэр хамыыһыйа