“Үөрэх баар — бараммат баай” диэн өс хоһоонноох сылын аайы ыытыллар «Бастыҥнар слеттара» В.И. Барабанскай аатынан Хайыр орто оскуолатыгар үрдүк таһымнаахтык буолан ааста. Быйылгы үөрэх дьылыгар сырдыкка, үөрэххэ тардыһар, холобур буолар 21 бастыҥ үөрэнээччилээхпит.
Ханнык да ситиһии үгүс үлэттэн, элбэх кыһамньыттан тахсар. Ол курдук оҕолор бары араас таһымнаах дакылааттарга, олимпиадаларга, научнай-практическай конференцияларга, тэрээһиннэргэ ситиһиилээхтик кытталлар. Быйылгыттан үөрэнээччилэри үрдүккэ, ситиһиигэ кынаттыыр «Сыл бастыҥ үөрэнээччитэ-2024» диэн саҥа сүүрээн киирдэ.
21 үөрэнээччиттэн кылаастан биирдии саамай элбэх ситиһиилээх үөрэнээччилэр кыттыыны ыллылар. Бу күрэххэ оҕолор бэйэлэрин ситиһиилэрин туһунан үс мүнүүтэлээх видеопрезентация оҥорон көрдөрдүлэр. Күрэхтэһии түмүгүнэн «Сыл бастыҥ үөрэнээччитэ-2024» ааты ыллылар: кыра сүһүөххэ Копырина Настя, 3 кылаас, орто сүһүөххэ Сергеева Анжелика, 7 кылаас, улахан сүһүөххэ Солдатова Карина, 10 кылаас. Оскуола директорын Клавдия Васильевна Махатырова гранын ылла 11 кылаас үөрэнээччитэ Болтунова Вероника.
Ханнык да тэрээһин үбэ-харчыта суох буолбат, ол курдук күүс-көмө буолбут, спонсордаабыт дьоммутугар үөрэнээччилэр, учууталлар, төрөппүттэр ааттарыттан махтанабыт: аламаҕай санаалаах ытык кырдьаҕас, үлэ, тыыл бэтэрээнигэр Слепцов П.П., урбаанньыт Слепцова А.П., «Айыллаан» култуура киинин дириэктэригэр Болтунов А.А., МУ ДЭС мастерыгар Болтунов Н.И., бөһүөлэкпит дьахталларын түмсүүлэрин салайааччытыгар Слепцова П.М., олохтоох нэһилиэнньэ депутаттарыгар Константинова Л.Н., Болтунова Е.А., оскуола сиэстэрэтигэр Насыева И.С., тыа хаһаайыстыбатын исписэлииһигэр Томский А.Б., бэтэринээр Насыева Э.С., социальнай үлэһиккэ Слепцова А.К.
Эльза Болтунова, Хайыр орто оскуолата