Оҕо сааһым доҕотторо,
Ыра санаам туоһулара,
Хаһан, ханна ол этэй
Көмүс күннүүн сырсарбыт…
Сардаҥалаах сарсыҥҥыны
Долгуйа, үөрэ күүтэрбит,
Эрэл кыымар куустаран,
Дьолу эрэ түстүүрбүт.
Оол кэрэ кэми санаан,
Ис сүрэхтэн махтанан,
Бүгүн манна эһиэхэ,
Уран тылы анаатым:
Мэлдьи үөрэ көрсүһэр,
Эйэҕэстэй санаалаах,
Биһиги кылаас тутааҕа —
Староста Көмүс Мотя.
Күннээх халлаан тэҥэ
Сырдык мичээр аргыстаах,
Чаҕыл хара харахтаах
Сааска уолу умнубаппын.
Остуоруйа дойдутун
Күндү кэрэ куота,
Айталыына буоллаҕа,
Долгулдьуйан аастаҕа
Наһаа истиҥ дууһалаах,
Кэрэ кыыспыт Катикка
Тырыбынаан киирэрэ,
Күн чаҕылын санатан.
Сытыы- хотуу мааныта,
Олус хорсун дьүөгэбит,
Варька кыыс күлүүтэ,
Кыайыыга ыҥырара.
Айылҕаттан айыллан,
Оһуор үҥкүү аргыстаах,
Сырдыкчаана доҕорбут
Марыынабыт битийэр.
Нарын музыка доҕордоох,
Намчы лира аргыстаах,
Коля баян тутуурдаах,
10 б кылаас командира.
Кыра аайы долгуйбат,
Киэҥ холку майгылаах,
Командир истиҥ доҕоро,
Васек мэлдьи инники.
Арахсыспат аргыстар —
Алеша, Миша уолаттар,
Спортсмен бэртэрэ,
Дьиибэлээх да уоланнар.
Сэмэй мичээр аргыстаах,
Олус кэмчи саҥалаах,
Мэник мээчик доҕордоох,
Алеша Слепцов дэнэрэ.
Куударалаах бэскилээх,
Киэҥ холку майгылаах,
Сырдык күн Сашкабыт
Рожин Сашка доҕоро.
Добун толуу көрүҥнээх,
Өркөн өй тутаахтаах,
Дарижапова Оля кыыс
Өрүү бастакы буолааччы.
Валя, Дуня кыргыттар
Туматым нарын сибэккилэрэ,
Чондон ыраас уутунуу,
Долгулдьуйан кэрэлэр.
Күн-дьыл устар суһаллык,
Олох ситимэ субуллар,
Оҕо сааһым доҕотторо —
Ыра санаам туоһулара…
Розалия Горохова
08.06.2024 с.