П.Н. Николаев аатынан Силээннээх орто оскуолатыгар Төрөөбүт тыл уонна сурук-бичик күнүгэр аналлаах декада чэрчитинэн араас күрэхтэр ыытылыннылар.
Ол курдук, «Хартыынаны тыыннаҕымсытыы» хаартыска күрэҕэ, «Мин төрөөбүт тылым/дойдум» диэн икки тиэмэлээх уруһуй күрэҕэ, «Хоһоон хонуута» хомоҕой хоһоонньуттар күөн күрэстэрэ. Ону тэҥэ, эбээн тылыгар олимпиада.
“Хартыынаны тыыннаҕымсытыы” күрэххэ 4 кылаас үөрэнээччитэ Старостин Эрчим кыайыылаах 1 миэстэ буолла, 2 үрдэлгэ таҕыста 4 кылаас үөрэнээччитэ Прокопьева Силена, уонна 3 миэстэ буолла 3 кылаас үөрэнээччитэ Рожина Айседора.
“Хоһоон хонуута” хоһоонньуттар күрэхтэригэр, сахалыы хоһооҥҥо 1 миэстэ буолла Рожина Айседора, 3 кылаас үөрэнээччитэ, 2 миэстэ буолла Горохов Виктор 1 кылаас үөрэнээччитэ, 3 миэстэҕэ тигистэ Климовская Александрия, 3 кылаас үөрэнээччитэ.
Эбээн тылынан хоһоон ааҕыыга 1 миэстэ буолла Петрова Уруйдаана, 2 кылаас үөрэнээччитэ, 2 миэстэ — Климовская Александрия, 3 миэстэ — Петрачук Илона, 4 кылаас үөрэнээччитэ. Эбээн тылыгар олимпиадаҕа алын кылаастарга 1 миэстэ Петрова Уруйдаана, 2 кылаас үөрэнээччитэ, 2 миэстэ Степанов Влад, 2 кылаас үөрэнээччитэ буоллулар, 3 миэстэҕэ тигистилэр Давыдов Тимур, 2 кылаас уонна Петрачук Илона, 4 кылаас үөрэнээччилэрэ.
Оҕолор көхтөөх кыттыыны ылан, туоһу суругунан, грамотанан наҕараадаланнылар.
Д. Гармаева, саха тылын учуутала