Ахсынньы 26 күнүгэр улуус киинигэр Депутатскай бөһүөлэгэр Усуйаана улууһун аҕа баһылыгын В.Ю. Сидорин саҥа дьыллааҕы елката үөрүүлээх быһыыга-майгыга буолан ааста. Бу тэрээһиҥҥэ кыттыыны ылбыт Хаһааччыйа, Усуйаана уонна ыраах уһук хоту сытар Дьүкээгир нэһилиэктэриттэн кэлбит бастыҥ үөрэнээччилэри кытта “Металлург” культура дьиэтигэр сэргэх көрсүһүү тэрилиннэ.
Оҕолору аҕа баһылык солбуйааччыта Н.Е. Босикова уонна “Металлург” культура дьиэтин салайааччыта Е.Е. Горохова эҕэрдэлээн, сэмэй бэлэхтэри туттардылар.
Көрсүһүү түһүлгэтигэр оҕолор ситиһиилэрин, инники сыалларын иһитиннэрдилэр, элбэҕи сэһэргээтилэр, кэрэхсэбиллээҕи кэпсээтилэр. Тэрээһин алгыстаах эҕэрдэнэн түмүктэннэ.
Елена Горохова