Кулун тутар 4 күнүттэн 10 күнүгэр дылы Саха Республикатын араас оройуоннарыттан култуура дьиэтин директордара, үлэһиттэрэ, салайааччылара — 19 киһи буолан, Калининград куоракка култуура үлэһиттэригэр аналлаах үөрэхтээһин турга баран кэллибит.
Калининград куоракка АНО ДПО «Региональный учебный центр» анал үөрэхтээһин ыытылынна, араас граннарга заявка суруйарга туох кистэлэҥ ньымалар баалларын үөрэх кыһатын салайааччыта Светлана Маркулис билиһиннэрдэ. Биир дойдулаахпыт Наталия Румянцева Пушкинскай картаны туһанарга 2024 сылтан саҥа ирдэбиллэри билиһиннэрдэ.
«Областной Дом народного творчества» үлэһиттэрэ үөрэ-көтө көрүстүлэр, итии чэйинэн күндүлээтилэр, туох сыаллаах-соруктаах үлэлии сылдьалларын кэпсээтилэр, араас ситиһиилээх проектарын көрдөрдүлэр, опыт атастастылар. Өйдөбүнньүк янтарь бэлэх туттардылар.
Светлогорск куоракка Россия аатырбыт Театр эстрады «Янтарь-холл» многофункциональнай култуура дьиэтигэр экскурсияҕа сырыттыбыт. Бу баараҕайга Россия эрэ буолбакка, Аан дойду эстрада, театр сулустара кэлэн концерт көрдөрөллөр эбит. Сөҕүү-махтайыы бөҕө буоллубут. Ол кэннэ Балтийскай муора эмтээх уутугар «Баден Аква Спа» бассейнҥа сылдьан сөтүөлээтибит уонна нөҥүө күн Балтийский муораны илэ харахпытынан көрөн астынныбыт.
Зеленоградск куоракка Саха сирин землячествотын киэһэтэ буолла, бу дьоро киэһэ Саха сириттэн кэлбит култуура үлэһиттэрэ 25 нүөмэрдээх улахан концерды туруордубут. Концертпытын саха омук бастыҥ оһуохай үҥкүүтүнэн түмүктээтибит. Манна нуучча, саха барыта оһуохайга көхтөөхтүк киирдилэр.
Тумуккэ, Калининград куоракка олорор биир дойдулаахтарбыт КРОО «Якутское землячество» түмсүү хас биирдии Саха сириттэн кэлбит ыалдьыттарга махтал сурук уонна янтарнай магнит бэлэх ууннулар.
Биһиги, Саха сириттэн кэлбит култуура үлэһиттэрэ, эмиэ махтал тылларын этэн туран «Якутское землячество» түмсүүгэ сэмэй бэлэхпитин туттардыбыт.
Калиниградка олорор биир дойдулаахтарбыт концерт көрөн наһаа астыммыттарын этэн туран бэйэлэрин махталларын тиэртилэр.
Аан дойду дьахталларын күнүн көрсө Тевтонскай орден рыцардарын «Вальдау» замокка гастрономический ужин буолла. Билигин бу замогы Сорокиннар диэн дьиэ кэргэн арендаҕа ылан чөлүгэр түһэрэн үлэлии сылдьаллар эбит. Замок историята киэҥ, бэл диэтэр Петр I 1697 сыллаахха хонон ааспыт эбит.
Дьоро киэһэбит олус сэргэхтик ааста, түҥ былыргы тыыннаах замок иһигэр принцессалар курдук сананныбыт, хаартыскаҕа тустубут, хаһаайыттары кытары билистибит, санаа атастастыбыт, «Кистэлэҥ доҕор» диэн бэйэ-бэйэни кытта чугастык билсиһэргэ аналлаах, сэмэй бэлэх туттарыылаах оонньуу оонньоотубут.
Түмүгэр хас биирдии үөрэхтээһин турга сылдьыбыт култуура үлэһиттэригэр анал удостоверение туттардылар.
Бу туру тэрийбит биир дойдулаахтарбытыгар, КРОО «Якутское землячество» бэрэстэбиитэллэригэр, ыаллыы Наталия Валериевна Румянцеваҕа, Николай Николаевич Ефимовка, «Вива тур» туристическай компания, менеджер Зинаида Валериевна Аввакумоваҕа кэлэр-барар билиэппитин табыгастаахтык булан биэрбитигэр, истиҥ-иһирэх махталбытын тиэрдэбит!
Олус интэриэһинэй, бииртэн биир сонун, үчүгэй, умнуллубат күннэр аастылар! Махтанабын улуустааҕы культура уонна духовнай сайдыы управлениетын салайааччытыгар А.Н. Болтуновка, олохтоох дьаһалта баһылыгар С.А. Олесоваҕа өйдөөн-өйөөн ыыппыккытыгар.
Тур тэрийээччилэригэр инники өттүгэр маннык үлэҕэ туһалаах турдары ыыта туруҥ уонна бу сыралаах үлэҕитигэр үрдүк ситиһиилэри, дьиэ кэргэҥҥитигэр уйгулаах, дьоллоох олоҕу, доруобай буолуҥ!
Бу турга сылдьан кэлбит култуура үлэһиттэрэ элбэҕи биллибит, туһанныбыт, араас кэрэни-үтүөнү көрөн астынныбыт. Онон эһиэхэ махталбыт, тапталбыт муҥура суох.
Матрена Попова, “Кэскил” култуура дьиэтин директора, Усуйаана нэһ.