«Арктика тоҥ балыга» күрэх буолан ааста

«Кыhын Саха сириттэн саҕаланар» диэн фестиваль чэрчитинэн уонна Саха сиригэр Yлэ, Усуйаана улууhугар Yлэ геройдарыгар анаммыт сылы түмүктээри, Ытык ѳбүгэлэрбит, төрүттэрбит сиэрдэрин-туомнарын баттаhа, кэпсээҥҥэ киирбит, хоhооҥҥо хоhуллубут, ырыаҕа ылламмыт үрүҥ көмүс хатырыктаах, өлгөм балык бултаах биhиги хорсун-ходуот, чулуу балыксыттарбытыгар анаммыт «Арктика тоҥ балыга — 2023» күрэҕэ аатырбыт кырдьаҕас Хаhааччыйа нэhилиэгэр, Уйбаан Уйбаанабыс Томскай аатын сүгэр култуура киинин үрдүк сыанатыгар тохсунньу 5 күнүгэр олус бэртээхэйдик, чаҕылхайдык буолан ааста.

Бу тэрээһини Хаһааччыйа нэһилиэгин дьаһалтата уонна «Сайдыы» култуура дьиэтэ тэҥҥэ үлэлэһэн, көҕүлээн, дьону-сэргэни үөрдэр, хоту дойду бастыҥ балыгын, балыктааһынын пропагандалыыр, үйэтитэр, биллэрэр, чөл олоҕу тутуһар сыаллаах ыыттылар. Күрэх сыаллара — хоту төрүт национальнай аһылыгын саҥалыы сайыннарыы, суолтатын үрдэтии, хоту сир балыктааһынын үгэстэрин бөҕөргөтүү, тоҥ балык Усуйаана улууһун им бэлиэтин быһыытынан сыаналанарын ситиһии, чөл-чэгиэн олох уонна доруобай аһылык, хотугулуу ыалдьытымсах быһыы үгэстэрин пропагандата – тэрээһин түмүгүнэн барыта ситиһилиннэ.

Күрэх түһүмэхтэрэ:

1. Бэйэни билиhиннэрии.
2. Дьиэтээҕи сорудах «Хотугу сандалы киэргэлэ» (балыктан бүлүүдэ).
3. «Yрдүк хайа» (эр киhи икки киилэлээх тоҥ балыгы кыhар, көмөлөһөөччүтэ үрдүктүк сааhылаан таһаарар, төhөнөн хайа үрдүк, ол кыайыылаах тахсар).
4. «Кырыымтык кыhыы» (манна икки киилэлээх балык кыhыллыытын хаачыстыбата, уhуна уонна устууката ааҕыллар).
5. «Тойон балык – чыыр» (бу түһүмэххэ дойдубут бастыҥ балыга чыыр улахана, ыйааһына сыаналанар).

 

Күрэххэ кыттыыны ыллылар:

Эр дьоҥҥо 7 хамаанда:

1. «Строганина – 2022» күрэх кыайыылааҕа, Хаһааччыйа орто оскуолатын тутаах үлэһитэ Алексей Филиппов уонна кини кэргэнэ Надежда.
2. Тумат бөһүөлэгиттэн төрүттээх Андриян Горохов уонна кини кэргэнэ ИП Александра Гуляева.
3. “Лайда” община бэрэстэбиитэлэ, “Сайдыы” КДь үлэһитэ, Федор Протодьяконов уонна кини көмөлөһөөччүтэ Агнесса Лебедева.
4. Бүлүү улууһуттан төрүттээх, «Удьуор» община бэрэстэбиитэлэ, Юрий Соловьев уонна «Сайдыы» култуура дьиэтин методиһа Елена Горохова.
5. “Чысхаан” община бэрэстэбиитэллэрэ Василий уонна Анна Рожиннар.
6. Өр сылларга Хаһааччыйатааҕы баһаарынай чааска салайааччынан үлэлээн кэлбит, билигин бочуоттаах сынньалаҥҥа олорор Кирилл Романов уонна кини көмөлөһөөччүтэ — сиэн кыыс Света.
7. ИП Олег Слепцов, көмөлөөһөөччүтэ – кэргэнэ, Хаһааччыйатааҕы участковай балыыһа сиэстирэтэ Мария Максимова.

Дьахталларга 4 хамаанда:

1. Хаһааччыйа орто оскуолатын тутаах үлэһитэ Надежда Филиппова, көмөлөһөөччүтэ Алексей Филиппов.
2. Хаһааччыйатааҕы участковай балыыһа сиэстирэтэ Мария Максимова, киниэхэ илии-атах буолла кэргэнэ Олег Слепцов.
3. 3. Кэтэх хаһаайыстыбаннан күн бүгүҥҥэ диэри дьарыктанар Светлана Горохова уонна кини көмөлөһөөччүтэ, оҕо уһуйаанын үлэһитэ Ольга Горохова.
4. Усуйаана бөһүөлэгин олохтоохторо Сахаяна Репина уонна кини көмөлөһөөччүтэ Елена Слепцова.

Күрэх кыайыылаахтара (эр дьон):

1 место – Филиппов Алексей –«Zarget» тоҥорор ларь;

2 место – Протодьяконов Федор – «Ресанта» сварочнай аппарат, «Makita» болгарка;

3 место – Слепцов Олег – дизельнэй двигатель.

Күрэх кыайыылаахтара (дьахталлар):

1 место – Максимова Мария – «Dexp» иһит сууйар массыына;

2 место – Филиппова Надежда – «De luxe» плита;

3 место – Репина Сахаяна – «Dexp» иистэнэр массыына.

Ону таһынан күрэх кыттыылаахтара бары сыаналаах бирииһинэн, сертификатынан наҕараадаланнылар.

Курэҕи дьүүллүүр сүбэҕэ киирдилэр: Хаhааччыйа нэhилиэгин муниципальнай тэриллиитин аҕа баhылыга — Виталий Анисимов; олохтоох дьаhалта суоппара Виктор Филиппов; Саха Өрөспүүбүлүкэтин уонна Усуйаана улууһун бочуоттаах олохтооҕо, Россия уонна Саха Өрөспүүбүлүкэтин хаһаайыстыбатын үтүөлээх үлэһитэ, В.М. Кладкин аатынан государственнай  бириэмийэ лауреата Сергей Филиппов.

Ону таһынан, көрөөччүлэргэ балык көрүҥнэригэр туспа «Тойон балык» күрэх  ыытылынна:

— Бастакы номинация «Тойон балык – Чыыр».

— Иккис номинация «Тойон балык — Тууччах».

— Үһүс номинация «Тойон балык — Муксун».

— Төрдүс номинация «Тойон балык — Суокур

— Бэһис номинация «Тойон балык — Баранатка».

— Алтыс номинация «Тойон балык — Сордоҥ».

Бу күрэххэ кыайыыны ситистилэр уонна спонсордар ааттарыттан анал бириис туттулар: Надежда Филиппова, Олег Слепцов, Лидия Азарова, Алексей Филиппов, Аким Петров (2 номинация кыайыылааҕа).

«Арктика тоҥ балык — 2023» күрэххэ кыттыыны ылбыт дьоммутугар, ыалдьыттарбытыгар, спонсордарбытыгар: Сергеев Геннадийга, Аметова Марияҕа, Дмитриева Аннаҕа, Зуев Рустамҥа, Хантагарова Марфаҕа, Горохова Дарияҕа, Гуляева Александраҕа барҕа махталбытын тиэрдэбит. Баҕарабыт тус олоххутугар дьолу, кытаанах доруобуйаны, үлэҕитигэр – ситиһиини.

Елена Горохова